Kryeministri i Kosovës, Albin Kurti po qëndron për vizitë në qytetin e Podujevës.
Ai do të marrë pjesë në ceremonin e lansimit të programit shtetëror ‘’Sporti në Shkolla’’.
Bashkë me Kurtin në këtë ceremoni prezent pritet të jenë edhe Ministri i Kulturës, Rinisë dhe Sportit, Hajrulla Çeku, Ministrja e Arsimit, Shkencës, Teknologjisë dhe Inovacionit, Arbërie Nagavci, Kryetari i Komunës së Podujevës, Shpejtim Bulliqi, dhe Kryetari i Federatës së Sportit Shkollor të Kosovës, Ardian Telaku.
Programi “Sport në Shkolla” është zhvilluar dhe do të realizohet nga Ministria e Kulturës, Rinisë dhe Sportit, në bashkëpunim me Federatën e Sportit Shkollor të Kosovës dhe me Ministrinë e Arsimit, Shkencës Teknologjisë dhe Inovacionit. Programi synon të ndërtojë një brez të ri, aktiv dhe të shëndetshëm në Republikën e Kosovës, duke investuar në shëndetin dhe edukimin e të rinjve përmes sporteve të ndryshme në arsimin parauniversitar.
