Kryeministri Kurti pas mbledhjes së Sigurisë ka folur në një konferencë për medie për situatën në veri të Kosovës.
Kurti tha se Serbia po kërcënon me luftë dhe mohimi i shtetit të Kosovës nga serbët sipas Kurtit “përmban kërcënim për ekzistencën tonë”.
“ Pas 23 viteve nga përfundimi i luftës në Kosovës Serbia kërcënon sërish me luftë dhe me rikthimin e trupave ushtarake të cilët para çerekshekulli kanë kryer gjenocid kundër popullit ton. Beogradi sot po flet dhe sillet si para 23 viteve dhe madje udhëhiqet nga një kastë e njëjtë politikanësh me ne krye ish-ministrin e informative të Millosheviqit dhe ish-zëdhënësin e partisë së m,Millosheviqi. Serbia nuk po e fsheh se kërkon rikthim në Kosovë pra në esencë kërkon të vazhdoj luftën, luftën të cilën e humbi dhe kapitullimin e pranoj asokohe ne Kumanovë. Andaj edhe mohimi i shtetit të Kosovës dhe pavarësisë sonë nga ana e Serbisë përbën kërcënim të vazhdueshëm jo vetëm për shtetin tonë por edhe ekzistencën tonë” , tha Kurti.
