Në një nga paraqitjet e tij gjatë fushatës për zgjedhjet komunale në Prishtinë, deputeti i Lëvizjes Vetëvendosje, Albin Kurti, goditi ashpër kandidatin e Partisë Demokratike, Uran Ismailin, duke përmendur mbylljen e lokalit në pronësi të Ismailit “Bon Vivant” në kryeqytet, për të cilin tha se “u shndërrua në vend krimi.”
“Uran Ismaili ia ka bë një të mirë Prishtinës. E mbylli lokalin që u shndërrua në vend krimi. Lokali e kishte emrin Bon Vivant, që do thotë “ai që rrnon mirë”. Por aty dy veta që hynë të qeshur dolën të vdekur. Prandaj puna më e mirë që e ka bë është që e ka mbyllë atë lokal.” – tha Kurti.
Por, në kontrast të plotë me këtë qëndrim, Kurti është parë në të kaluarën duke pirë kafe në një nga restorantet në pronësi të Uran Ismailit në Prishtinë.
