Kryeministri i Kosovës, ka kujtuar 111 vjetorin e Prishtinës e bërë nga Serbia, në Luftën e Parë Ballkanike.

Kurti përmes një postimi në Facebook ka thënë se 22 tetori i vitit 1912, shënon një nda ditët me të errëta në historinë moderne të shqiptarëve dhe të Kosovës.

Ai ka thënë mijëra shqiptarë gra e fëmijë u vranë nga grupet çentike dhe ushtria e rregull e Serbisë në Prishtinë.

“Data 22 tetor e vitit 1912, shënon një nga ditët më të errëta në historinë moderne të shqiptarëve dhe të Kosovës! Atë ditë, 111 vite më parë, njësitet çetnike serbe dhe ushtria e rregullt e Serbisë e pushtuan Prishtinën dhe vranë mijëra shqiptarë civilë. Katër ditë më parë, më 18 tetor 1912, rreth 255.000 ushtarë serbë të ndarë në tre grupime u nisën në sulm në tre drejtime, një ditë pasi Serbia i kishte shpallur luftë Perandorisë Osmane. Prej tyre, Armata e Tretë e Serbisë me rreth 76.000 ushtarë, e komanduar nga gjenerali Bozhidar Jankoviq, e kishte për detyrë pushtimin e Kosovës”, ka shkruar Kurti në Facebook.

Ai në një shkrim ku ka treguar se si ka ndodhur sulmi në Prishtinë, ka thënë se që nga viti 1912, kur Serbia pushtoi Kosovën ku ushtrua dhunë, vrasje, kolonizime për të vazhduar deri në vitin 1999, ku u krye gjenocid në Kosovë.

“Viti 1912, kur Serbia e pushtoi Kosovën, ishte një mot kobzi që do të pasohej nga i gjati shekull i njëzet, gjatë të cilit Serbia pushtuese ushtroi dhunë sistematike, shpronësoi e kolonizoi, përndjeku, shtypi, burgosi, dhunoi, vrau dhe masakroi mijëra e mijëra shqiptarë ndër disa breza dhe kreu gjenocid, deri në çlirimin e Kosovës më 1999”, ka shkruar ai.

Por, Kurti ka thënë se 111 vite pas pushtimit, Prishtina është qytet modern me kulturë autentike, dhe kryeqytet i Republikës së Kosovës me synime dhe të ardhme mes shteve tjera të Evropës.

“Saktë 111 vite më pas, Prishtina është një qytet modern me kulturë autentike si kryeqytet i Republikës së Kosovës, një republike parlamentare me demokraci të zhvilluar dhe me një të ardhme politike të qartë mes shteteve të tjera të Evropës. Për ta kujtuar rrugën që na ka sjellë këtu dhe për ta mësuar historinë nga një brez në tjetrin! Për gjallërinë tonë si popull e komb dhe për të ardhmen tonë politike si shoqëri dhe shtet”, ka shkruar Kurti.