Është mbajtur mbledhja e 238-të e Qeverisë së Kosovës, ku si fillim fjalën e mori kryeministri i vendit, Albin Kurti.

Kurti ka folur për mënyrën e votimit të mërgatës në zgjedhjet e 9 shkurtit.

Ai ka thënë se deri më tani mërgata jonë është ballafaqur me vështirësi për mënyrën e votimit derisa përmend se votimi i 9 shkurtit do të bëhet më lehtë e më mirë.

‘’Votimi përmes postës brenda vendit dhe në ambasada e konsulata është një fitore e madhe për mërgatën tonë punëtore e patriotike dhe për shtetin tonë demokratik e të pavarur si dhe një nga arritjet kryesore të qeverisë tonë në shërbim të mërgatës.

E drejta e votës është e drejtë e garantuar me kushtetutë.

Deri më tani mërgata jonë padrejtësisht në vazhdimësi është ballafaquar me vështirësi burokratike dhe barrë financiare që herë ua ka pamundësuar votimin e herë e ka dekurajuar pjesëmarrjen në votim.

Në këto zgjedhje që po na presin, votimi nuk ka qenë asnjëherë më i lehtë, më i thjeshtë e me më pak kosto.

Do të jenë gjithësej 22 kuti postare, në 22 shtete të ndryshme kurse votimi fizik do të mundësohet në 35 përfaqësi diplomatike dhe konsulore në 22 shtete.

Më lehtë e më thjeshtë  e më mirë nuk ka qenë asnjëherë’’, u shpreh Kurti.

Tutje ai ka ftuar të gjithë ata që jetojnë jashtë vendit që të regjistrohen sa më parë për të votuar.

”Andaj ju që jetoni jashtë vendit, ju ftoj që të regjistroheni sa më parë”, tha ai