Kryeministri Albin Kurti, ka reaguar pasi që Armenia ka njohur zyrtarisht pasaportën e Republikës së Kosovës.

Kurti përmes një postimi në Facebook, ka thënë se pasaporta jonë sa vjen e bëhet më e fuqishme dhe më e njohur ndërkombëtarisht.

“Pasaporta jonë sa vjen e bëhet më e fuqishme dhe më e njohur ndërkombëtarisht. Pas liberalizimit të vizave dhe njohjes së pasaportës nga Spanja në muajin janar, vitin po e përmbyllim me lajmin që edhe Armenia, një shtet që ende nuk na njeh, nga sot ka vendosur të njohë pasaportën e republikës sonë. Urime qytetarëve dhe përgëzime Ministrisë së Punëve të Jashtme dhe Diasporës dhe zyrtarëve shtetërorë që punojnë çdo ditë për forcimin e shtetësisë sonë.” – ka thënë Kurti.