Kurti: Paga minimale u rrit për herë të dytë gjatë mandatit tonë

Kryeministri i Kosovës, Albin Kurti, ka thënë se niveli i ri i pagës minimale do të jetë 2 euro për orë punë të rregullt apo 350 euro bruto në muaj me orar të plotë.

Kurti ka thënë se paga minimale, me ligjin e ri, do të jetë e liruar nga tatimi, teksa e ka cilësuar këtë si rritjen e dytë të pagës minimale gjatë mandatit të tij.

“Me hyrjen ne fuqi të pagës minimale u hap rruga që të rritet paga minimale pas 13 vjetësh. Niveli i ri i pagës minimale do të jetë 2 euro për orë punë të rregullt apo 350 euro bruto në muaj me orar të plotë. Paga minimale do të jetë e liruar nga tatimi. Kjo është rritja e dytë e pagës minimale në këtë mandat qeverisës”, ka thënë ai.