Kurti njofton për një investim 7.3 milionësh nga një ndërmarrës shqiptar në diasporë

Kryeministri i Kosovës, Albin Kurti, i cili po qëndron në Zvicër për tubime elektorale ka njoftuar për një investim të huaj në vend nga një ndërmarrës shqiptarë atje.

Investimi në fjalë, sipas Kurtit, kap shifrën prej 7.3 milionë euro.

“Diaspora po i përgjigjet thirrjeve tona për investim në Kosovë. 7.3 milionë euro është investimi i radhës. E përgëzoj ndërmarrësin tonë nga mërgata Fidan Haradini për këtë kontribut të rëndësishëm nga i cili fitojnë të gjithë dhe i uroj shumë suksese”, ka shkruar Kurti anë Facebook.