Kurti në Këshill të Përgjithshëm: Këtë lartësi elektorale prej 51% mund ta kemi dëshiruar, por nuk e kemi paramenduar kollaj

Albin Kurti, Kryeministër i Kosovës, tha se më 28 dhjetor fitoren prej 51.1% mund ta kenë dëshiiruar por jo edhe “paramenduar kollaj”.

Ai falënderoi Vetëvendosjen dhe aktivistët e saj “për angazhimin gjigant”.

“Ne nuk i kërkuam zgjedhjet, e as qytetarët, vendi kishte nevojë për punë e paqe. Por, kur zgjedhjet u bënë të pashmangshme populli foli qartë. Ai deshti vazhdim përpara. Me 51% na dha mandat të fuqishëm. Ne i fituam këto zgjedhje për popull. I fituam bashkë në pothuajse në secilën komunë, në 24 komuna prej 38. Në 24 nga 27 jemi edhe të parët edhe në ngritje. Kjo mbështetje na përulë dhe obligon që të jemi në lartësinë e pritjeve,” tha ai.