Kurti mungoi në takimin me liderët e rajonit, Rama: Kush deshi erdhi, kush s’mundi s’erdhi

Kryeministri i Kosovës Albin Kurti ka munguar sot në Tiranë, në takimin që kryeministri Edi Rama mblodhi liderët e Ballkanit Perëndimor.

I pyetur nga gazetarët në konferencën për media pas takimit për mungesën e “vëllait të vogël” në konferencën mes liderëve, Rama preferoi që të mos e komentonte gjatë mungesën e Albin Kurtit, dhe tha se ishin të gjithë të ftuar, e sipas tij kush deshi erdhi.

“Sa i përket Kurtit, nuk shikoj asnjë interes sepse ishin të gjithë të ftuar, kush deshi erdhi, kush s’mundi s’erdhi”, tha Rama.