Në seancën e sotme, deputetët e Kuvendit të Kosovës po diskutojnë për Projektligjin e Buxhetit të Kosovës për vitin 2025.
E pas një kohe të gjatë, prezent në Kuvend sot është edhe kryeministri i vendit, Albin Kurti, i cili e mori fjalën i pari.
Kurti në fillim të fjalimit tha se ndihet i nderuar të jetë kryeministri i parë që prezanton buxhetin e katërt të mandatit.
Ai tha se buxheti për vitin 25 është projektuar të jetë 3.6 miliard apo rreth 9% se sa buxheti i vitit 2024 ose 60% më i lartë se sa buxheti i vitit 2020.
”Për të arritur deri këtu, këto katër vite kaluam nëpër shumë sfida globale dhe të brendshme por njëkohësisht e për dallim nga të tjerët para nesh, u siguruam që buxheti të orientohej aty ku ishte më i larti tek qytetarët tanë”, tha Kurti.
