Kurti i “emocionuar” që Kosova i është bashkuar “Open Government Partnership”

Kryeministri i Kosovës, Albin Kurti, është shprehur i emocionuar me anëtarësimin e Kosovës në iniciativën globale “Open Government Partnership” (Partneriteti për Qeverisje të Hapur).

Kurti, përmes një postimi platformës X ka thënë se kjo iniciativë nxit transparencën, llogaridhënien dhe qasjet novatore.

“I emocionuar për të njoftuar se Kosova i është bashkuar Partneritetit për Qeverisje të Hapur, një nismë ndërkombëtare që përfshin 76 qeveri kombëtare dhe 104 qeveri lokale dhe nxit transparencën, llogaridhënien dhe qasjet novatore për angazhimin publik”, ka shkruar Kurti.