Kryetari i Lëvizjes Vetëvendosje, Albin Kurti, tha se pret certifikimin e rezultateve që pa vonesa të nisë formimin e institucioneve.
Kurti në konferencën për media foli pak edhe në anglisht.
“Mezi pres të nis mandatin e tretë si kryeministër i Republikës së Kosovës dhe do të shërbej me gjithë njohuritë e mia dhe sipas programit dhe me ekipin tim të shkëlqyer në katër vitet e ardhshme”, tha ai.
Ndërkaq, i pyetur më pas nga gazetarët nëse do të bashkëpunojë me ndonjë nga partitë tjera, Kurti tha se tashmë s’ka bllokada.
“Unë jam i interesuar që të bashkëpunoj me opozitën menjëherë me ato që na kanë ngelur pa miratuar, pra tri marrëveshje ndërkombëtare lidhur me mbi 120 milionë euro të Bankës Botërore dhe Planin e Rritjes së BE-së. Pas certifikimit të rezultateve mund të ecim mbarë e mirë, por edhe shpejt e pa vonesa meqenëse bllokadat janë të pamundshme tanimë”.
