Kryeministri i Kosovës, Albin Kurtit, ka reaguar Në Ditën Ndërkombëtare për Eliminimin e Dhunës ndaj Grave, duke thënë se dhuna ndaj gjinisë femërorë ushtrohet për t’i nënshtruar ato.
“Dhuna ndaj grave është një shkelje e të drejtave të njeriut dhe një armë mizore që përdoret për të nënshtruar gratë”, ka shkruar kryeministri.
Më tej ai ka theksuar se mbrojtja e grave është përgjegjësi e shoqërisë dhe Qeverisë.
“Barra për ta luftuar atë nuk duhet të bjerë vetëm mbi gratë, të cilat përballen me hakmarrje për të folur për veten dhe të tjerët, por mbi shoqërinë në tërësi, duke përfshirë qeveritë”, ka thënë Kurti.
“Në Ditën Ndërkombëtare për Eliminimin e Dhunës ndaj Grave, me reformat ligjore në vend që synojnë këtë çështje, ne fillojmë 16 ditë aktivizëm duke e ditur se puna jonë duhet të vazhdojë çdo ditë, sepse asnjë shoqëri nuk mund të jetë vërtet e lirë ndërsa gjysma e popullsisë së saj përballet me këtë. Kërcënim”, ka përfunduar Kurti.
