Kurti: 785 familje të cënueshme do të kenë kushte më të mira jetese

Kryeministri i Kosovës, Albin Kurti përmes një postimi në rrjetin social është shprehur se 785 familje të cënueshme do të kenë kushte më të mira jetese.

Kjo pasi nënshkrimit të një kontrate të Fondit të  Kosovës për Efiçiencë të Energjisë me disa komuna të Kosovës.

Theksojmë se nga ky projekt përfitojnë 13 komuna, 28 ndërtesa shumë-banesore sociale, rreth 785 familje dhe afërsisht 3 mijë 400 qytetarë.

Ky investim pritet të kushtojë 5.5 milionë euro.

Më tutje Kurti është shprehur se mbështetja e atyre që më së shumti kanë nevojë është në qendër të politikave tona.