Përballë indinjatës së thellë publike pushteti provoi t’ia faturojë ish-ministres së arsimit, Hykmete Bajrami, miratimin e doracakut kontraverz për “edukatë seksuale” për çka reagoi deputetja e LDK-së, duke e quajtur “shpifje…të turpshme” dhe se teksti në fjalë është botuar në vitin 2023 – kur edhe kishte proklamuar ministrja Arbërie Nagavci.
“Përgjegjësi duhet t’i kërkohet Arbërie Nagavcit. Doracakët janë të botuar në vitin 2023. Kurrikula kërkon edukim seksual, por përmbajtja e doracakëve të Nagavcit flet për praktikim perverz”, shkroi Bajrami në një reagim në Facebook.
Postimi i plotë:
Keni prekë në familje
Turpi nuk lahet me shpifje
Përgjegjësi duhet t’i kërkohet Arbërie Nagavcit. Doracakët janë të botuar në vitin 2023. Kurrikula kërkon edukim seksual, por përmbajtja e doracakëve të Nagavcit flet për praktikim perverz.
Përgjegjësinë kryesor këtu e mban Albin Kurti, i cili ende e mban në pozitë një ministre të tillë.
Keni prekë fëmijët, gjenë me të shtrejtë që kemi, andaj shpifni se ju ka kapë panikë, qytetarët nuk ju falin për këtë.
Jeni shpifsa, manipulanta dhe të pamoralshëm.
