Opinionistja Laura Kryeziu, në emisionin “Rubikon” me Adriatik Kelmendin në Klan Kosova, ka folur në lidhje me marrëveshjen me Serbinë.
Ajo është shprehur se kjo është marrëveshja më e dëmshme dhe sipas saj edhe më e keqe që është ofruar.
“Po pajtohemi të gjithë që është marrëveshja më e dëmshme dhe më e keqe që është ofruar në kohën kur komiteti ndërkombëtar është shumë më i interesuar që të krijojë një afërsi me Serbinë në këtë rast që e cila përmbush direkt objektivën e tyre parandalimin e eskalimit të krizave në Evropë”.
“Do të thotë Serbia konsiderohet si problematikja, konsiderohet si pala e cila duhet të akomodohet dhe Kosova në rrugëtimin e saj, duke pasur parasysh që e kemi një klasë politike e cila ka ardhur pikërisht me nacionalizëm dhe pikërisht me kundërshtimin e marrëveshjeve të kaluara, ose marrëveshjen e 2013-tës, është ajo që do ta nënshkruaj. Kjo ka pasoja politike së paku për ne, për moralin politik të këtij vendi dhe se si garojnë partitë politike”, është shprehur Kryeziu.
