Kryeministri hungarez, Viktor Orban i tha të mërkurën Sekretarit të Përgjithshëm të NATO-s Jens Stoltenberg se qeveria e tij mbështet anëtarësimin e Suedisë në aleancë.
Në një postim në platformën X, Orban shtoi se i tha shefit të aleancës në një bisedë telefonike se do të vazhdojë t’i bëjë thirrje parlamentit hungarez që të votojë për hyrjen e Suedisë në NATO dhe të përfundojë ratifikimin në rastin e parë të mundshëm.
Stoltenberg përshëndeti vendimin e Hungarisë për të mbështetur qartë anëtarësimin e Suedisë në Aleancë dhe së shpejti do të ratifikojë kandidaturën e saj.
“Bisedë e mirë me kryeministrin hungarez Viktor Orbán. Unë mirëpres mbështetjen e qartë të kryeministrit dhe qeverisë së tij për anëtarësimin e Suedisë në NATO. Pres me padurim ratifikimin sapo të mblidhet parlamenti,” tha Stoltenberg në një postim në Platformën X.
