Eric Adams, kryebashkiaku i Nju Jorkut, i ka karakterizuar mediat sociale si një “rrezik për shëndetin publik” dhe “helm mjedisor”, duke thënë se të rinjtë duhet të mbrohen nga “dëmtimi” nga rrjetet.
“Komisioneri i Shëndetit dhe Higjienës Mendore të Qytetit të Nju Jorkut ka përcaktuar zyrtarisht mediat sociale si një rrezik për shëndetin publik në Nju Jork”, tha Adams gjatë fjalimit të tij publik. “Ne jemi qyteti i parë i madh amerikan që kemi ndërmarrë këtë hap,” shtoi kryebashkiaku.
Një këshilltar i qytetit thotë se shëndeti mendor i të rinjve të Nju Jorkut është “përkeqësuar e më keq për më shumë se një dekadë”.
Statistikat e qytetit thonë se gjatë ditëve të javës, 77 për qind e nxënësve të shkollave të mesme në Nju Jork kalojnë tre ose më shumë orë në ditë para ekraneve, pa përfshirë kohën që u nevojitet për detyrat e shtëpisë.
Adams pretendon se TikTok, YouTube dhe Facebook po “ushqejnë krizën e shëndetit mendor duke i dizajnuar platformat e tyre që të kenë veçori të varura dhe të rrezikshme“.
“Ne jemi qyteti i parë i madh amerikan që kemi ndërmarrë një hap të tillë dhe paralajmërojmë për rreziqet e mediave të tilla sociale. Ne i trajtojmë mediat sociale si një rrezik për shëndetin publik dhe duhet të sigurojmë që kompanitë e teknologjisë të marrin përgjegjësinë për produktet e tyre”, përfundoi kryebashkiaku i qytetit të Nju Jorkut.
