- Advertisement -
Përfaqësuesja e Kroacisë ka shënuar fitore në kuadër të kualifikimeve për “Euro 2024” pasi e ka mposhtur Armeninë.
Të hënën mbrëma, në ndeshjen e luajtur në Armeni, Kroacia ka triumfuar me rezultatin minimal 1:0. Golin e vetëm në këtë ndeshje, e ka shënuar sulmuesi Andrej Kramariq.
Ai shënoi në minutën e 14-të të takimit dhe me këtë gol vulosi fitoren e Kroacisë. Për Kroacinë, kjo është fitorja e tretë në katër ndeshje të luajtura deri më tani në këtë cikël eliminator, ndërsa Armenia regjistroi humbjen e dytë në pesë duele të zhvilluara. Me këtë fitore, Kroacia është ngjitur në krye të Grupit D me 10 pikë të mbledhura, sa i ka edhe Turqia por që ka një ndeshje më shumë të luajtur. Armenia mbetet e treta me 7 pikë të grumbulluara.
