Ish-presidenti i SHBA, Barack Obama foli për herë të parë për marrëdhënien e tij me Michelle, gjatë një fjalimi në Hamilton College. Obama, 63 vjeç, ndau pikëpamjet e tij negative për Presidencën e Trump dhe qortoi vendimin e tij për tarifat ndaj shteteve të tjera.
Ai pranoi se ka qenë në krizë martesore me bashkëshorten e tij, Michelle Obama pasi u largua nga 2 mandatet si President në Shtëpinë e Bardhë.
Barack ka lënë të kuptohet në të kalurën se presidenca ndikoi në martesën e tij me Michelle, 61 vjeçe.
Thashethemet se dyshja po shkonte drejt divorcit u përforcuan pasi Barack Obama shkoi i pashoqëruar në disa aktivitete të rëndësishme në Uashington DC. Edhe në ceremoninë funerale për Jimmy Carter, Obama u pa i vetëm, ndërsa një burim thotë se Michelle nuk kishte asnjë interes të shkonte në kryeqytetin amerikan ato ditë.
Daily Beast raporton se Obama i tha Steven Tepper, presidentit të Hamilton College se ai është përpjekur në mënyrë aktive të kalojë më shumë kohë me Michelle, me të cilën ka qenë i martuar për 32 vjet, ndërsa vazhdon të shohë gjithnjë e më shumë pengesa në jetë.
“Me gruan time ishim një krizë të thellë”.
“Unë jam përpjekur të nxjerr veten nga ajo situatë duke bërë herë pas here gjëra argëtuese”, i rrëfeu Obama, bashkëbiseduesit të tij Tepper.
Ndërkohë, Michelle ka folur më herët për martesën e saj gjatë një interviste për Revolt Tv, në të cilën përmendi përpjekjet që ajo dhe i shoqi bënë për ta mbajtur “gjallë”: “Ka raste që unë jam 70 vjeçe, ai është 30. Ka raste ai është 60, unë jam 40”.
Michelle ka shprehur vërejtjet e saj se martesa e çiftit nuk ishte “e barabartë” në atë kohë, duke vënë në dukje se ajo po kujdesej për fëmijët dhe burri i saj po fillonte karrierën e tij politike.
Barack Obama shërbeu për 2 mandate si President i SHBA, nga viti 2009 deri në 2017.
“Atëherë nisën të gjitha…”, vazhdoi ajo, ndërsa pranon se çifti shpesh “e kthen zemërimin drejt njëri-tjetrit”.
Sipas Page Six, një burim që dikur ka punuar me çiftin tha lidhur me thashethemet se ata po “luftojnë” për martesën e tyre. “Ata nuk po përpiqen të shfaqen si një çift magjik”.
