Njësiti kundër Krimeve Ekonomike dhe Korrupsion në Ferizaj, kanë trajtuar një informatë për një person të dyshuar. Personi, për policinë ka qenë edhe më parë i njohur për përfshirje në veprimtari penale, tregti e ndaluar dhe kontrabandë e mallrave.
Gjatë trajtimit të rastit, policia në koordinim me prokurorinë, kanë kryer kontrolle në shtëpinë e të dyshuarit B.M., (1990).
Gjatë kontrollit të shtëpisë, policia ka gjetur:
161.485 (njëqind e gjashtëdhjetë e njëmijë e katërqind e tetëdhjetë e pesë) euro,
2320 (dymijë e treqind e njëzet) franga zvicerane,
2300 (dymijë e treqind) dollar amerikan,
80.850 (tetëdhjetëmijë e tetëqind e pesëdhjetë) denarë maqedonas,
696 kilogramë mjaltë (produkt i dyshimtë pa prejardhje),
250 kilogramë fasule (pa prejardhje),
Një pushkë e gjatë (pushkë ajrore),
Një revole,
Një veturë dhe
Një telefon.
Për rastin me mallin e kontrabandë (mjalti dhe fasulja), është ftuar për trajtim njësia e Doganës së Kosovës.
Ndaj të dyshuarit është iniciuar rasti, nën dyshim për përfshirje në veprat penale: “tregti e ndaluar” dhe “kontrabanda e mallrave”.
Pas intervistimit në prezencë të avokatit mbrojtës, me aktvendim nga prokurori kompetent, i dyshuari dërgohet në ndalim prej 48-orësh
