Memli Krasniqi në Rubikon me Adriatik Kelmendin është pyetur nëse pas publikimit të rezultateve të zgjedhjeve të datës 9 shkurt do të bëjnë koalicion qeverisës me Lëvizjen Vetëvendosje.

Për këtë ai kishte një përgjigje të prerë.

“Unë e kam qartësuar edhe më herët, kushdo që e ka mendu me spinu atë lajm kam mirëkuptim që një takim dy orësh mundet me rikuperu krejt raportin tonë i cili është problematik që e ka një hendek shumë të madhë që nuk mund të mbushet ai jo me takim, një darkë por nuk mund të mbushet as me kush e di sa takime.

“Kështu që jo s’ka pas as nuk ka kërfar plani për koalicion me Vetëvendosjen, sepse dallimi i jonë është shumë i madh. Na nuk pajtohemi as për të kalumen e lere ma për të ardhmen, në mënyrën qysh e shohim zhvillimin e Kosovës dhe historinë e Kosovës kemi diskrepanca”, tha Krasniqi.

Krasniqi ka disa fjalë edhe për vijat e kuqe.

“E kam përjashtu gjithmonë por nuk dëshirojmë të themi se kemi vija të kuqe, sepse është prej fjalëve ma të panevojshme në politikë”, tha Krasniqi.