Kryetari i Partisë Demokratike të Kosovës, Memli Krasniqi ka deklaruar se Kosova po kalon një vit të vështira, e që do të mbahet mend si viti i depresionit nga krizat e njëpasnjëshme.
“Këto kriza po lulëzojnë si pasojë e kësaj qeverie që nuk po adreson problemet e qytetarëve si dhe krizën aktuale. Do të ndalem tek kriza e rëndë ekonomike nga e cila qytetarët po varfërohen çdo ditë e më shumë. E kriza momentale janë edhe grevat.Kjo Qeveria më shpejtë se do të mund të imagjinohej është akomoduar në kolltuqet e pushtetit dhe ka humbur ndjenjën ndaj qytetarëve, për faktin se vetë janë akomoduar mirë dhe s’kanë arsye për të qenë të pakënaqur për të gjitha krizat që po ndodhin tek qytetarët. Kanë humbur komunikimin me qytetarët dhe krizën me të cilën po kalon vendi nuk po e shohin si krizë ekonomike. Çmimet esenciale kanë arritur në nivele të papërballueshme, përderisa çmimet kanë ndjekur një ritëm të shpejtë të rritjes të ardhurat e punonjësve kanë mbetur të pandryshuara e në terma real fuqia blerëse e qytetarëve ka rënë shumë”,tha Krasniqi.
Ai theksoi se qytetarët që patën standard jetese mezi po ia dalin, e të tjerat janë drejt pragut të varfërisë.
“Qeveria po e shfrytëzon situatën e inflacionit dhe rritjes së çmimit, për të ngritur buxhetin e shtetit. Me kokëfortësinë më të madhe ka refuzuar të marrë çfarëdo mase që ne kemi propozuar për uljen e cimeve. Qeveria nga 728 milionë euro që ishin planifikuar për këtë vit deri tash janë realizuar rreth 90%,,, e për më tepër bllokimi i projekteve kapitale e ka ngulfatur sektorin privat e ka pamundësuar pagesën e punëtorëve.Çfarë po bënë qeveria me paratë e grumbulluara e që po rrinë të bllokuara, po shërbejnë për të ndikuar në disponimin afat shkurtër në disa kategori, sa herë që shihet se mosbesimi i qytetarëve ka arritur në nivele të larta”,shtoi ai.
