Duke ironizuar me rastin kur deputetes së Lëvizjes Vetëvendosje, Adriana Matoshit ia shkruan, dikton e kumton çka të thotë, shkruajë, e postojë në Facebook “Komisarja” e Vetëvendosje, Dejona Mihali, profesori universitar, Milazim Krasniqi e ka shtjelluar një logjikë, sipas tij, shoqërore në raport me politikën e Kryeministri ne Kosovës, Albin Kurtit.
Ky i fundit refuzoi të merr pjesë në një samit tejet të rëndësishëm mes Bashkimit Evropian dhe Ballkanit Perëndimor ku çështja ishte te një fond 6 miliardë euro ndihmë për rajonin, duke zgjedhur të bredhë nëpër Irlandë Veriore në vizita nëpër muze.
Shkrimi i plotë i Krasniqit:
“A ta qes post në fejsbuk?” (Hajt se po e qes.) Mungesa e Kurtit në samitin e Tiranës, ku flitet për gjashtë miliardë euro që mund t’u jipen gjashtë shteteve të Ballkanit Perëndimor, pra edhe Kosovës, do të ishte problem për të, po qe se qytetarët e Kosovës do të ishin të koncentruar për të jetuar në Kosovë. Por ata,me shumicë, nuk janë të koncentruar, për të jetuar në Kosovë. Prandaj qëndrimi i tejzgjatur i Kurtit në Angli e Irlandë u duket më i frymëzues, më i dobishëm.
