Eksperti i zgjedhjeve nga Demokraci Plus, Albert Krasniqi ka reaguar në lidhje me dështimin e radhës të seancës për konstituimin e Kuvendit.
Krasniqi tha se nëse VV ka vërtetë interes për të zgjedhur kryetarin e Kuvendit, duhet të bëjë të paktën përpjekje minimale për të siguruar mbështetjen e nevojshme.
Tutje ai shtoi se “vullneti i qytetarëve për formimin e institucioneve pas një procesi demokratik zgjedhor nuk mund të mbahet peng nga asnjë subjekt politik”.
Postimi i plotë:
“Nëse VV ka vërtet interes për të zgjedhur kryetarin e Kuvendit, duhet të bëjë të paktën përpjekje minimale për të siguruar mbështetjen e nevojshme. Deri më tani, më shumë energji po shpenzohet në ndërtimin e një narrative se po i mohohet një e drejtë që, sipas saj, i është dhënë nga populli.
Por numrat në Kuvend nuk ndryshojnë vetvetiu. Dialogu nuk realizohet vetëm përmes deklarimeve publike. Dhe kryetari i Kuvendit nuk zgjidhet nga populli, por nga deputetët — të cilët i përfaqëson.
