Profesori universitar, Milazim Krasniqi ka thënë se Ministria e Arsimit ua ka vështirësuar jetën prindërve dhe nxënësve.
Krasniqi përmes një postimi në Facebook, ka thënë se shumë prindër nuk kanë llogari bankare, të tjerë nuk kanë qasje në internet, shumë nuk dinë si të procedojnë.
Ai tutje ka thënë se ky veprim i ministrisë me librat vërtet është i palogjikshëm.
Postimi i plotë:
Ministria e Arsimit ua kë vështirësuar jetën prindërve dhe nxënësve. Shumë prindër nuk kanë llogari bankare, të tjerë nuk kanë qasje në internet, shumë nuk dinë si të procedojnë. Mund të ketë edhe të tjerë që paratë mund t’i harxhojnë për ndonjë hall tjeter. Ky veprim i ministrisë me librat vërtet është i palogjikshëm. Qeveria e ka mandatin t’ua lehtësojë jetën njerëzve e jo t’ua shtojë problemet. Raportet me botuesit rregullohen ndryshe, jo në dëm të nxënësve e familjeve.
