Nuk i ka as një muaj kohë që vetë Ministria e Pushtetit Lokal në një raport të miratuar nga Qeveria e Kosovës e frazoi vetë si “vështirë të arritshme” arritjen deri te shpallja e zgjedhjeve në veri në katër komunat të populluara me shumicë serbe bazuar në Udhëzuesin Administrativ.

Por udhëheqësi i kësaj ministrie, i cili njoftoi se ka pritur në takim pesë ambasadorët e QUINT-it në Prishtinë, i qëndroi sërish asaj se zgjedhjet në veri mund të bëhen vetëm sipas atij Udhëzimi Administrativ, i cili kërkon që kryetarët të shkarkohen përmes një peticioni me mbledhjen e 20% të nënshkrimeve të elektoratit të regjistruat në ato zona.

“Ne mbesim të përkushtuar që të ndërmarrim të gjitha veprimet dhe vendimet e nevojshme që vullneti i qytetarëve të realizohet bazuar në udhëzimin administrativ”, ka thënë Elbert Krasniqi.