Kryetari i PDK-së, Memli Krasniqi, duke folur për punët e Qeverisë së Kosovës, dhe kryeministrin Albin Kurti, ka thënë se ai e ka pushtetin absolut pothuajse në cdo institucion.
Krasniqi në Debat Plus, është shprehur, se Kurti ka pushtet edhe mbi presidencën. Sipas tij, veprimet e Kurtit dhe presidentes Vjosa Osmani, janë identike për të gjitha temat.
Ai e ka përmendur ish-presidentin Hashim Thaçi dhe raportet me ish-kryeministrin Ramush Haradinaj, për të cilët tha se kishin mosmarrëveshje të thella mes vete.
“Pushtetin absolut e ka një njeri Albin Kurti, pushtetin e ka edhe mbi presidencë cka ka qenë jo fort e pritur, pushtetin e ka edhe mbi kuvend. Është evidente ajo. Për mua është evidente. Qasja e tyre në secilën gjë që lidhet me Kosovën çdo veprim, e bën evidente ndarja e tortës së pushtetit mes atyre dyve. Ka qenë ndryshe. Hashim Thaci, ka qenë president dhe Ramush Haradinaj kanë pasur probleme të mëdha. Për çështjen e taksave dhe për marrëdhëniet me ShBA”, ka deklaruar Krasniqi.
Krasniqi, foli edhe për intervenimin kirurgjik të presidentes Osmani, në një spital privat, ai tha se ky është ofendim për mjekët dhe infermierët të cilët punojnë në QKUK.
