- Advertisement -
Hapja e Urës së Ibrit ka përplasur ministrin e Administrimit të Pushtetit Lokal me emisarin e Bashkimit Evropian për dialogun Kosovë-Serbi, Miroslav Lajçak. Krasniqi teksa i ka reaguar Lajçakut, i ka kërkuar atij të tregojë pse e kanë ndryshuar qëndrimin rreth hapjes së urës.
Krasniqi përmes një reagimi në rrjetin social X, ka thënë se vetëm së fundi BE-ja ka kërkuar që për Urën të diskutohet në dialog.
“I dashur Miroslav Lajçak, BE-ja vetëm së fundi ka thënë se çështja e urës së Mitrovicës duhet të diskutohet në dialog. Më herët, e ka cekur vazhdimisht se ‘ura duhet të hapet për qarkullimin e automjeteve pa vonesa të mëtutjeshme’, sipas Raportit për Vendin (CR) mes viteve ’18-’22”.
