Profesori universitar, Milazim Krasniqi, ka shkruar një status për gjendjen e tensionuar në veri.
Krasniqi përmes një postimi në Facebook, ka thënë se Qeveria e Kosovës nuk duhet të bëjë gabime, të cilat pastaj po i shfrytëzon egerësisht propaganda serbe.
Postimi i plotë:
Çdokush e di që Serbia është fajtore për barrikadat, për provokimet dhe për dhunën në veri. Por, propaganda serbe është shumë e specializuar, shpesh arrinë ta maskojë realitetin. Prandaj, zyrtarët tanë nuk duhet të bëjnë gabime, sepse ato i shfrytëzon egërsisht propaganda serbe.
Gabime si listat e publikuara për personat serbë të dyshuar, pastaj ankesat e disa zyrtarëve ndaj KFOR-it, thjesht nuk duhet të bëhen.
Lëni serbët le të shpalosin vetë qëllimet e tyre e jo të kapen për gabimet tuaja. Qëllimet e tyre të errëta flasin më së miri kundër tyre.
