Krasniqi: ALARMUESE, të gjithë aleatët perëndimorë janë të zhgënjyer me Qeverinë e Kosovës

Kryetari i Partisë Demokratike të Kosovës, Memli Krasniqi, e ka quajtur alarmuese anulimin e mbledhjes së përbashkët ndërmjet Qeverisë së Shqipërisë dhe asaj të Kosovës.

Përmes një postimi në Facebook, Krasniqi ka shkruar se Kosova ka nevojë për Shqipërinë më shumë se kurrë.

“ALARMUESE! Në kohën kur të gjithë aleatët perëndimorë janë të zhgënjyer me Qeverinë e Kosovës, ne kemi nevojë për Shqipërinë më shumë se kurrë!”, thuhet në postimin e Krasniqit.

Rama bëri të ditur se ka kërkuar nga kryeministri, Albin Kurti, që mbledhja e nesërme në Gjakovë, të mbahet në një format më të ngushtë.