Të hënën e ardhshme do të rikthehet në ekran emisioni “Për’puthen”, që si shumë projekte të tjera këtë vit do të vijë me ndryshime.
Moderatorja, Bora Zemani, nuk do të jetë më pjesë e këtij emisioni, siç pat lajmëruar edhe më herët, sepse do të prezantojë “Dancing With the Stars”.
“Për’puthen” i është besuar Ori Nebiajt.
Opinionisti, Arjan Konomi, do të vazhdojë të jetë pjesë e këtij formati ndërsa krah tij do të vijë një tjetër personazh jo pak i njohur, për të dhënë opinionet e komentet e saj.
Kryefjala.com bën me dije se në rolin e opinionistes këtë vit do të jetë ish-banorja e “Big Brother Albania”, Neda Balluku.
Neda është larguar prej kohësh nga ekrani dhe i është përkushtuar familjes së saj, së bashku me partnerin, Ogrenin të cilin e njohu po në reality-show.
Neda dhe Ogreni janë prindër të dy djemve, Serzh dhe Zai.
Ish-banorja është diplomuar për Filozofi dhe ka publikuar librin e saj të parë “Archea”. Tashmë përveç pasioneve, Neda Balluku do t’i përkushtohet edhe emisionit “Për’puthen”.
