KQZ: Procesi i numërimit po vazhdon në 14 Qendra Komunale

Komisioni Qendror i Zgjedhjeve ka bërë të ditur se po vazhdon procesi i numërimit në disa Qendra Komunale të Numërimit.

Sipas KQZ-së, procesi i numërimit po vazhdon në 14 Qendra Komunale të Numërimit.

“Është duke vazhduar procesi i numërimit në Qendrat Komunale të Numërimit në komunat: Deçan, Gjakovë, Drenas, Gjilan, Fushë Kosovë, Kamenicë, Mitrovicë e Jugut, Skenderaj, Shtërpcë, Viti, Ranillug, Kllokot,  Mitrovicë e Veriut dhe Hani i Elezit”, thuhet në njoftimin e KQZ-së.

Ndërsa në “1 Tetori” në Prishtinë po vazhdon procesi i rinumërimit të të gjitha kutive të votimit, por që telashet me sistemin janë ato që po e pengojnë procesin.