Komisioni Qendror i Zgjedhjeve (KQZ), ka njoftuar se ka pranuar peticionin për shkarkimin e kryetarit të Zubin-Potokut, Izmir Zeqiri dhe se bazuar në legjislacionin në fuqi do t’i verifikojë nënshkrimet.

Këtë për teve1.info e ka konfirmuar zëdhënësi i KQZ-së, Valmir Elezi.

“Mund t’ua konfirmoj se deri më tani kemi pranuar kërkesën me nënshkrime të mbledhura për verifikim nga Kryesuesi i Kuvendit Komunal të Zubin-Potokut. KQZ, në përputhje me legjislacionin në fuqi, do të verifikojë listën e nënshkrimeve, pra nëse nënshkruesit janë qytetarë me të drejt vote në komunën përkatëse”, ka theksuar Elezi.

Mbledhja e nënshkrimeve në këtë komunë ka nisur më 9 janar.

Nënshkrimet për shkarkimin e kryetarëve në veri janë mbledhur edhe në tri komunat tjera, Mitrovicë e Veriut, Leposaviq e Zveçan.