Më shumë se 1500 qytetarë të Kosovës kanë migruar drejtë vendeve të Bashkimit Evropian gjatë këtyre gjashtë muajve të parë të këtij viti, thuhet në të dhënat e Ministrisë së Punëve të Brendshme. Kjo shifër po konsiderohet mjaftë shqetësuese nga demografët.
Eliza dhe Getuarba Dina janë në mesin e qindra qytetarëve që të ardhmen e tyre e shohin jashtë Kosovës.
Eliza me entuziazëm të madh kishte filluar studimet në infemerieri, por ka mbetur e zhgënjyer me kushtet që ofrohen në Kosovë.
Ajo sot mori vizën gjermane, ku mezi pret të shkojë. Me situatë të tillë është përballur edhe Getuarba Dina, e cila ka studiuar për ekonomi. Thotë se nuk është aspak e lehtë të shkollohesh në Kosovë dhe pastaj e t’i shërbesh vendit të huaj.
Sipas Ministrisë së Punëve të Brendshme, vetëm në gjashtëmujorin e parë të këtij viti mbi 1 mijë e 500 qytetarë kanë hequr dorë nga shtetësia e Kosovës dhe sipas tyre ky numër është në rritje.
“Gjatë periudhës Janar-Qershor 2023 nga Shtetësia e Republikës së Kosovës janë liruar gjithsej 1,672 persona. Ndërsa në vitin 2022 nga Shtetësia e Republikës së Kosovës janë liruar gjithsej 4,792 persona”, thuhet në të dhënat e Ministrisë së Punëve të Brendshme.
Demografi Sami Behrami i konsideron shqetësuese shifrat e Ministrisë së Brendshme, por sipasti, brenga më e madhe është se nga vendi po ikin të rinjtë, që janë më produktivë dhe më të shkolluar.Sipas statisitiakve, në vitet 2014, 2015 dhe 2021, kanë ikur numër më i madh i qytetarëve nga Kosova, ndërsa shifra më e lartë është regjistruar në vitin 2015, kur nga Kosova kanë shkuar jashtë vendit mbi 74 mijë qytetarë. /21 Media/
