Kosova një hap para për organizimin e Lojërave Mesdhetare 2030

Ministri për Kulturë, Rini dhe Sport ka bërë të ditur se Kosova është një hap para si kandidate serioze për organizimin e Lojërave Mesdhetare 2030.

Në llogarinë e tij në Facebook, ai ka treguar se sot në Kosovë filluan vizitën Komisioni vlerësues i Komitetit Ndërkombëtar të Lojërave Mesdhetare, kryesuar nga presidenti Julian Pace Bonello, dhe të përcjellë nga sekretari i përgjithshëm i ICMG-së, Iakovos Filippousi, raporton Klan Kosova.

“Ata pritet të bëjnë vlerësim të gjendjes dhe zhvillojnë takime me zyrtarë të nivelit të lartë institucionalë për ta konfirmuar mbështetjen e tyre për organizim”, ka shkruar ai.