Kosova ka shënuar ndaj Azerbajxhanit në ndeshjen parakualifikuese për Kampionatin Botëror.
“Dardanët” triumfuan në Pallatin e Rinisë me rezultat 81:79, ndonëse ndeshjen nuk e nisën mirë, pasi çerekun e parë e humbën me një pikë, 20:21.
Në të dytin, Kosova tregoi forcën duke shënuar fitore me tri pikë më shumë, 23:20, ndërsa drama u zhvillua në dy çerekët e fundit.
Në çerekun e tretë, “Dardanët” ishin në epërsi deri në nëntë pikë, por “Azurët” arritën që ta shkrijnë këtë epërsi, duke e fituar 10-minutëshin e tretë me një pikë më shumë, 17:18.
Kurse, në çerekun më vendimtar, “Dardanët” fituan me një pikë më tepër, 21:20, por që ishte e pamjaftueshme pasi ndeshjen e parë ndaj Azerbajxhanit e kishin humbur me 10 pikë diferencë, 87:77.
Me këtë ndeshje, për Kosovën merr fund ëndrra për kualifikim në Kampionat Botëror.
