“Dialog nuk do të duhej të pranonte askush për këtë temë”
Kështu deklaroi shefja e shtetit, Vjosa Osmani të enjten nga Vitia sa i përket Urës së Ibrit që ndanë Mitrovicën e Jugut dhe Veriut.
Bashkimi Evropian po vazhdon të kërkojë që çështja e Urës së Ibrit të diskutohet në dialog në mes Kosovës dhe Serbisë.
Pavarësisht kësaj kërkese, të njëjtit ende nuk kanë ftuar palët në tavolinën e bisedimeve në Bruksel.
BE-ja thotë se diskutimi në kuadër të dialogut nuk nënkupton që të ketë marrëveshje të reja për çështjen e urës por diskutim të modaliteteve.
“Qeverisja e mirë do të thotë të kontaktosh dhe të angazhohesh me komunitetet, të cilat preken nga vendime specifike. Të trajtosh çështjen e urës së Ibrit në kuadër të Dialogut të lehtësuar nga BE-ja do të thotë të diskutosh modalitetet e zbatimit të marrëveshjeve të arritura për urën, jo marrëveshjet e reja. Duhet me të vërtetë duhet të dëgjojë dhe të përpiqet të kuptojë këshillat unanime të të gjithë miqve dhe aleatëve”, ka thënë zëdhënsi i BE-së, Peter Stano.
Se Kosova duhet t’i dëgjojë miqtë e saj e thotë edhe njohësi i zhvillimeve politike, Visar Xani.
Televizioni ka kontaktuar edhe Ministrinë e Mjedisit, Planifikimit Hapësinor dhe Infrastrukturës së kur pritet të del raporti final i testimit të kësaj ure mirëpo të njëjtit nuk kanë kthyer përgjigje.
