Atdhe Hetemi, drejtor i Institutit për Krimet e Luftës në Kosovë, ka folur për fushëveprimin e institutit që ai drejton.
Ai tha puna e këtij instituti në të ardhmen do të mund të përdoret nga institucionet e drejtësisë për identifikimin dhe gjetjen e atyre që kanë kryer krime të luftës në Kosovës.
Sipas tij, Kosova është vonuar në dokumentimin e krimeve të luftës.
“Instituti i krimeve të kryera gjatë luftës në Kosovë është themeluar dhe e ka ligjit e vet, i bije se është themeluar për herë të parë në formatin ekzistues. Objektivat kryesore janë hulumtimi, dokumentimi, verifikimi dhe arkivimi i krimeve të kryera gjatë luftës në Kosovë, instituti nuk ka karakter hetues, por karakter dokumentues dhe hulumtues, që i bije se të dhënat që arkivohen mund të përdoren nga grupe të ndryshme të interesit, përshembull mediat, akademikët, etj, por edhe institucionet e drejtësisë që në të ardhmen mund të ndërmarrin ndonjë veprim për hetime të mëtutjeshme identifikimin, gjetjen e atyre që i kanë bërë këto krime” tha Hetemi në Rubikon të Klan Kosovës.
