Konjufca: Masat e BE-së të padrejta, thuajse Serbia s’ka kurrfarë përgjegjësie

18:04 | 04/07/2023

187

- Advertisement -

Kryetari i Kuvendit, Glauk Konjufca, i ka cilësuar si të padrejta masat e Bashkimit Europian ndaj Kosovës.

Ai tha se ato u aplikuan vetëm ndaj Kosovës sikurse Serbia nuk ka asnjë përgjegjësi për situatën, derisa tha se është pikërisht presidenti serb Vuçiq që e nisi gjithë këtë.

“Deputeti i Bundestagut e publikoi videon e atij që ushtronte dhunë ndaj KFOR-it. Ai ishte polic i Serbisë dhe pasdite kishte ardhur këtu për dhunë. Kur i sheh të gjitha këto dhe me marrë masa ndaj Kosovës, kjo po më pikëllon”.

Për zgjedhjet në Veri, Konjufca tha se e kanë kohën e tyre edhe në aspektin që duhet të ketë një rrugë ligjore si të shkohet atje.

“Do të ishte jodemoratike të kërkohet dorëheqje e kryetarëve. Ata s’kanë vullnet për të dhënë dorëheqje. Nënshkrimet duhet të grumbullohen nga qytetarët. Për këtë është pajtuar kryeministri, BE, por edhe Serbia është pajtuar me këtë”.