Kryetari  i Parlamentit, Glauk Konjufuca është pyetur sot nga deputetja e PDK-së, Blerta Deliu, për qëndrimet e tij karshi Oliver Ivanoviqit, pas deklaratës sē fundit tē Kurtit, shkruan Scanner.

Konjufca nuk ka hezituar duke u përgjigjur se “Oliver Ivanoviqi është kriminel lufte pa kurrfarë dyshimi, këtë e ka vendosur edhe gjyqësia e Kosovës.

Por, Konjufca ka tentuar ta arsyetojë Kurtin duke thënë se “kryeministri ka dashtë të thotë se ai njeri është vrarë prej Aleksandar Vuçiqit. Kjo ma merr mendja se është mesazhi që ai ka dashtë ta përqojë. Unë mendoj se sa i përket përgjegjësisë që ka pas Ivanoviq kryeministri nuk ka ndryshuar qëndrim. Asnjë prej krimeve nuk e ka hequr prej biografisë së tij”.