- Advertisement -
Kryetari i Kuvendit të Republikës së Kosovës, Glauk Konjufca, ka njoftuar se do të jetë pjesë e Marshit për Drejtësi, i cili do të mbahet të dielën e 2 prillit, me fillim nga ora 14:00.
Kryekuvendari Konjufca ka postuar në Facebook posterin zyrtar të Marshit, me mbishkrimin “MARSHOJMË PËR DREJTËSI!”.
Marshi në fjalë po bëhet për të mbështetur ish-udhëheqësit e luftës çlirimtare të UÇK-së, të cilët po gjykohen në Hagë.
Kujtojmë se më herët, edhe partia e Konjufcës, Lëvizja Vetëvendosje, doli në përkrahje të këtij marshi.
