Një nga betejat më të rënda në nëntë muajt e fundit po zhvillohet në Rripin e Gazës. Pesë persona u vranë dhe 40 u plagosën, thanë mjekët vendas, pasi palestinezët hodhën 270 raketa në Izrael.
Ky sulm vjen pasi 15 palestinezë u vranë në sulmet izraelite në Gaza gjatë javëve të fundit.
Grupet militante në Gaza, të kontrolluara nga Hamasi, paralajmëruan se pas përshkallëzimit të konfliktit se “nëse Izraeli rrit agresionin e tij, do të përballet me ditë të errëta”.
Kryeministri izraelit, Benjamin Netanyahu u tha kryebashkiakëve se ai është “i përgatitur për mundësinë e një fushate të zgjeruar dhe sulmeve të ashpra në Gaza”.
Ministria palestineze e Shëndetësisë në Gaza njoftoi se një person u vra në sulmin e parë në Khan Younis.
Një tjetër burrë u vra në zonën veriore të Beit Hanoun, dy persona u vranë në Rafah dhe një person i pestë u vra në qytetin e Gazës, shtoi ajo.
Jo shumë kohë më vonë, militantët filluan të gjuanin raketa nga Gaza dhe sirenat e raketave u dëgjuan në komunitetet në jug të Izraelit.
