Komuna e Prishtinës njofton se ka ndryshuar qarkullimin e mjeteve motorike

Komuna e Prishtinës ka bërë të ditur se nga kjo e shtunë do të ndryshojë qarkullimi i mjeteve motorike në rrugën “Ali Hadri”, nga kryqëzimi i rrugës “Emin Duraku”, në drejtim të rrugës “Afrim Loxha”.

Kjo do të bëhet në kuadër të projekteve të sinjalizimit vertikal dhe horizontal të shenjave të trafikut rrugor.

“Në kuadër të projekteve të sinjalizimit vertikal dhe horizontal të shenjave të trafikut rrugor, nga ekipi i mobilitetit i Drejtoria e Shërbimeve Publike, që nga sot, më datë 9.9.2023, do të ndryshojë qarkullimi i mjeteve motorike në rrugën ‘Ali Hadri’, nga kryqëzimi i rrugës ‘Emin Duraku’, në drejtim të rrugës ‘Afrim Loxha’”, thuhet në njoftimin e komunës.