Kryetari i Podujevës, Shpejtim Bulliqi, ka bërë të itur se me humanistin Halil Kastrati sot kanë nënshkruar memorandum bashkëpunimi për ndërtimin e pesë shtëpive për familje skamnore në Podujevë.
Bulliqi tha se tashmë është bërë edhe përzgjedhja e familjeve që do t’iu ndërtohen shtëpitë e reja, ku sipas tij, njëra nga këto familje i përket komunitetit ashkali.
“Në këtë marrëveshje të bashkëpunimit, Komuna participon me nga 10 mijë euro, kurse shoqata “Jetimat e Ballkanit” me nga 20 mijë euro”.
“Krahas vizitave tek familjet përfituese e vizituam edhe Qendrën Rezidenciale e cila po ndërtohet me cilësi të lartë dhe sipas planit dinamik”, shkroi Bulliqi.
Ai e falënderoi Shoqatën “Jetimat e Ballkanit” dhe të gjithë donatorët për kontributin që e kanë dhënë.
