Komandanti i Misionit të NATO-s në Kosovë, KFOR-it, Ozkan Ulutas, të martën, ka takuar kryetarin e Listës Serbe, Zllatan Elek dhe një delegacion nga kjo parti.
Nëpërmjet një komunikate për media, KFOR-i ka bërë të ditur se Ulutas e Elek kanë diskutuar për situatën e sigurisë në Kosovë, veçanërisht në katër komunat veriore të banuara me shumicë serbe.
“Komandanti i KFOR-it theksoi përkushtimin e palëkundur të misionit ndaj mandatit të tij të gjatë nga OKB-ja dhe theksoi aktivitetet e përditshme të misionit, duke përfshirë patrullimet dhe angazhimet me përfaqësues të të gjitha komuniteteve lokale”.
Komisioni Qendror Zgjedhor, të martën, ka refuzuar sërish certifikimin e Listës Serbe për zgjedhjet e jashtëzakonshme parlamentare të 28 dhjetori. Rekomandimi për certifikimin e Listës Serbe i mori vetëm 2 vota për, 2 kundër dhe 7 abstenime.
Lëvizja Vetëvendosje i është rikthyer sërish fushatës kundër Listës Serbe brenda Komisionit Qendror Zgjedhor.
Lëvizja Vetëvendosje në disa raste synoi të pengoi certifikimin e Listës Serbe për zgjedhjet përmes procedurave administrative në kuadër të KQZ-së. Në të gjitha rastet Paneli Zgjedhor për Ankesa dhe Parashtresa urdhëroi KQZ-në që ta certifikojë Listën Serbe.
