Teksa mbulimi i konfliktit aktual është fokusuar në operacionin ushtarak të Izraelit në Rripin e Gazës, grupet palestineze dhe mbështetësit e tyre kanë qenë gjithashtu të prirë për të tërhequr vëmendjen ndaj dhunës gjetkë në territoret e pushtuara, raporton Skynews.

Në Bregun Perëndimor – i cili nuk drejtohet nga Hamasi – sulmet nga kolonët izraelitë kanë vrarë 29 njerëz këtë vit, sipas Zyrës së Çështjeve Humanitare të OKB-së, OCHA.

Të paktën tetë prej tyre ishin vetëm që nga sulmet e 7 tetorit, duke shqetësuar palestinezët e zakonshëm, ekspertët izraelitë të sigurisë dhe zyrtarët perëndimorë.

Ministri i Sigurisë Kombëtare i ekstremit të djathtë të Izraelit, Itamar Ben-Gvir, një nga të paktën dy ministrat e lartë të qeverisë që jetojnë në vendbanime, tha se kishte urdhëruar blerjen e 10,000 pushkëve për të armatosur civilët izraelitë, përfshirë kolonët, pas sulmeve të Hamasit.

Zyra e Ben-Gvir nuk ka thënë nëse armët janë shpërndarë tashmë në Bregun Perëndimor, por tha më 11 tetor se 900 pushkë sulmi ishin shpërndarë në zonat në veri të Bregut Perëndimor, afër Libanit, dhe se mijëra të tjera do të shpërndaheshin së shpejti.

Sot, organizata jofitimprurëse me bazë në Jerusalem, B’Tselem, qëllimet e deklaruara të së cilës janë të dokumentojë shkeljet e të drejtave të njeriut në territoret palestineze të pushtuara nga Izraeli, raportoi dhunë të konsiderueshme në Deir Sharaf, qytet palestinez në Bregun Perëndimor.

Ajo postoi video në internet që thotë se tregojnë dyqane dhe makina që janë djegur në hyrje të qytetit.

“Nëse ky nuk është terrorizëm, çfarë është?” pyeti ambasadori dhe shefi i misionit palestinez në Mbretërinë e Bashkuar, Husam Zumlot.