Kolona të gjata në kufi, pesë orë pritje në Merdare

Kolona të gjata janë krijuar tash e disa ditë për të dal nga Kosova në pika kufitare.

Sipas Qendrës Kombëtare për Menaxhim Kufitar, kolonat më të gjata janë krijuar në Merdare, ku pritjet janë deri në pesë orë, ndërsa te Dheu i Bardhë pritjet janë deri në 2 orë e gjysmë.

Në Bërnjak pritjet për të dal nga Kosova janë deri në 30 minuta, ndërsa në Jarinje 45 deri në 50 minuta.

Kolona për të dal nga Kosova ka edhe në pikën kufitare Muçibabë, ku pritjet janë deri në 2 orë, ndërsa në pikën kufitare Mutivodë pritjet janë deri në një orë.