Koalicioni për Familje ka thënë që presin rezultate të mira nga zgjedhjet.
“Duke i falënderu secilin për krejt kontributin e dhënë dhe duke qenë mirënjohës çdo herë për gjithë këtë angazhim dhe këtë punë të përbashkët, ne do të presim rezultatet të cilat janë duke u numëruar nga KQZ-ja dhe anëtarët brenda vendvotimeve kudo që kanë votu qytetarët e Republikës së Kosovës”, ka thënë prijësi i listës, Eman Rrahmani.
“Natyrisht që jemi falënderues për secilën votë e cila është dhënë për Koalicionin për Familje. Ky koalicion për familje ka fillimin e tij tash e më shumë se dy muaj, dhe do të vazhdojë të jetë prezent në skenën politike dhe që presim rezultatet të mira edhe në numërimin nga ana e KQZ-së, mirëpo, çfarëdo qoftë rezultati, vlerësimi nga qytetarët i Republikës së Kosovës është rezultat i punës sonë dhe është rezultati të cilin populli na e ka besu për aq sa ne kemi punu, do të vazhdojmë me punu edhe më shumë”.
“Rezultatet të cilat janë paraqitë prej exit poll-eve nuk mendojmë dhe nuk besojmë që janë rezultate korrekte për asnjërën prej subjekteve politike për shkak që e kaluara ka dëshmuar që ato çdo herë kanë dështuar në saktësinë e tyre.
